隔左咁耐先update! 無辦法! 但係真係唔可以唔提到這個trip! 因為係我第一次同女友去上海! 仲要係聖誕節前夕,原來上海都有d節日氣氛,尤其係南京西路一帶,我第一次去,靜安寺原來係咁既!~

但係可能係選唔啱時候,又可能係我女友唔多like上海既cross-over building,旅程其實唔係好順利,第一日想去食好好味呀席家花園,竟然無開,灰!!!!

好彩第二日去恒隆廣場同南京西路再直落新天地,終於少少收覆失地! 我覺得其實去上海,最浪漫既地方應該唔係外灘,而係南京西路同新天地,因為真係有一種去左少歐洲既感覺,不過我女友一句回敬,"不如直接去歐洲"!!! 血淋淋的一句!

我從未試過去一間高級餐廳裡面只吃一樣東西就走,竟然我既第一次係發生係好多香港人既新天地入面,我地一行兩人竟然入去叫左兩隻大閘蟹食完就閃! 勇敢程度達100! 但係我真係第一次係夜晚去新天地,我在奉勸,沒有女友最好不要自己去,呢度俾我既感覺係,有伴去,感動程度x2,無伴去,寂寞程度x3!

雖然旅程短暫,但始終都叫同女友去過,不過有d遺憾無去最新果棟全世界第二高既金融中心,遠睇,幾壯觀!有機會想去享受下一杯coffee! 唔~ ce la vie!

走了,磁浮列車7分鍾送走我們兩個過客!~上海,you should miss gloria, why? coz 我唔知道佢仲有冇興趣再去囉,呵!